2011, മേയ് 20, വെള്ളിയാഴ്‌ച

ബ്രെഡ്‌ ശില്‍പങ്ങള്‍

ജാം തേച്ച്‌ ബ്രെഡ്‌ കഴിക്കുന്നത്‌ രുചികരമാണ്‌. എന്നാല്‍, ഇറ്റലിക്കാരിയായ ബിയാട്രിസ്‌ മില്ലര്‍ക്ക്‌ ബ്രെഡുകള്‍ കണ്ടാല്‍ കഴിക്കാന്‍ തോന്നില്ല. ബ്രെഡുകള്‍ ഇഷ്‌ടപ്പെടാത്തതുകൊണ്ടല്ല. ബ്രെഡുകള്‍ കണ്ടാല്‍ ഒരു ശില്‌പിയായി മാറും ഈ കലാകാരി. ബ്രെഡുകൊണ്ട്‌ ശില്‌പങ്ങള്‍ തീര്‍ക്കുന്നതില്‍ വിരുതയാണ്‌ ഇവര്‍. അതു നല്ല ഒന്നാന്തരം ശില്‌പങ്ങള്‍. തടിയിലും ലോഹത്തിലുമൊക്കെ തീര്‍ക്കുന്ന ശില്‌പങ്ങളെ വെല്ലുന്നതരത്തിലാണ്‌ ബിയാട്രിസിന്റെ ബ്രെഡ്‌ രൂപങ്ങള്‍. സ്വിറ്റ്‌സര്‍ലന്‍ഡിലെ പരമ്പരാഗതമായ രീതിയുപയോഗിച്ചാണ്‌ ബിയാട്രിസിന്റെ ബ്രെഡ്‌ കൊണ്ടുള്ള ശില്‌പ നിര്‍മാണം. ഇങ്ങനെ ബിയാട്രിസ്‌ നിര്‍മിച്ച ശില്‍പങ്ങളുടെ പ്രദര്‍ശനം ചൈനയിലെ ഷാങ്‌ഹായിലുള്ള ഡ്യൂല്യുങ്‌ മ്യൂസിയം ഓഫ്‌ മോഡേണ്‍ ആര്‍ട്ട്‌ ആന്‍ഡില്‍ നടന്നുവരികയാണ്‌. നൂറുകണക്കിന്‌ ബ്രെഡ്‌ ശില്‌പങ്ങളാണ്‌ ഇവിടെ പ്രദര്‍ശിപ്പിച്ചിരിക്കുന്നത്‌. സുന്ദരമായ ബ്രെഡ്‌ ശില്‌പങ്ങള്‍ കാണുമ്പോള്‍ സന്ദര്‍ശകര്‍ക്ക്‌ അതൊന്നു കഴിക്കാന്‍ തോന്നിയാലോ എന്നു പേടിച്ച്‌ ബിയാട്രിസ്‌ പ്രദര്‍ശനഹാളില്‍ എപ്പോഴുമുണ്ടാവും.

അഭിപ്രായങ്ങളൊന്നുമില്ല:

വാര്‍ത്ത