2011, ഫെബ്രുവരി 23, ബുധനാഴ്ച
ഭാര്യമാര് 39, മക്കള് 94
ഐസ്വാള്: 39 ഭാര്യമാര്, 94 മക്കള്, 33 കൊച്ചുമക്കള്... 66 കാരനായ സിയോണ ചനയ്ക്ക് വലിയ കാരണവരാണെന്ന ഭാവമൊന്നുമില്ല. നാലു നിലയുളള , 100 മുറികളുളള വീട്ടില് ചുവാന് തത് റണ് വീട്ടില് തന്റെ വലിയ കുടുംബവുമായി ഹാപ്പിയാായി കഴിയുന്നു. മിസോറാമിലെ പിച്ചറസ്ക്യൂ ഗ്രാമ നിവാസിയാണ് സിയോണ. പലമുറികളിലാണ് താമസമെങ്കിലും ഒരോയൊരു അടുക്കളയെ വീട്ടിലുളളൂ.
'ദൈവത്തിന് സ്തുതി. എന്റെ സംരക്ഷണത്തിന് ദൈവം ഒട്ടേറെപ്പേരെ തന്നു. ഞാന് ഭാഗ്യവാനാണ് '- വലിയ കുടുംബത്തെക്കുറിച്ച് സിയോണയുടെ അഭിപ്രായം. ക്രിസ്തുമത വിശ്വാസിയാണ് ഇദ്ദേഹം. യേശുവിന്റെ രണ്ടാംവരവില് ദൈവത്തിനൊപ്പം ലോകംഭരിക്കാമെന്നാണ് വിശ്വാസം.
കുപ്പിയില് ഒളിക്കുന്ന പൂച്ച!
ഒളിക്കുന്നതില് വിദഗ്ധരാണ് പൂച്ചകള്. എന്നാല്, സൂഷ എന്ന പൂച്ച സാധാരണ പൂച്ചകളെ ഒളിക്കുന്നകാര്യത്തില് കടത്തിവെട്ടും. ഉടമസ്ഥര് കാണാത്തിടത്താണ് പൂച്ചകള് ഒളിക്കുന്നതെങ്കില് സുഷ ഒളിക്കുന്നത് ഉടമസ്ഥര് കാണ്കെ കുപ്പിയിലാണെന്നുമാത്രം. ചെറിയ ഗ്ലാസ് കുപ്പികളില് ഒളിക്കുന്നതാണ് സുഷയ്ക്കു പ്രിയം. വായ്്വട്ടം വലുതായ കുപ്പിയാണെങ്കില് സുഷ തീര്ച്ചയായും അതില് കയറിപ്പറ്റിയിരിക്കും. ശരീരം ഒടിച്ചുമടക്കി കുപ്പിയില് കയറിപ്പറ്റുന്ന സുഷയെ കാണുമ്പോള് ഈ പൂച്ച ഇനി എങ്ങനെ ഇതിനുള്ളില്നിന്നു പുറത്തിറങ്ങും എന്നായിരിക്കും കാഴ്ചക്കാരുടെ വിചാരം. എന്നാല്, ഏവരെയും അത്ഭുതപ്പെടുത്തി സുഷ കൂളായി കുപ്പിയില്നിന്നിറങ്ങി തന്റെ പാട്ടിനുപോകും.
റഷ്യന് തലസ്ഥാനമായ മോസ്കോയിലാണ് സുഷയുടെ താമസമെങ്കിലും ലോകമെങ്ങുമുള്ളവര്ക്കു പ്രിയപ്പെട്ടവളായി മാറിയിരിക്കുകയാണ് സുഷ. സുഷയുടെ ഉടമസ്ഥ യൂറി കൊററ്റ്യൂണ് ഇവളുടെ ചില ചിത്രങ്ങള് ഇന്റര്നെറ്റില് പ്രസിദ്ധീകരിച്ചിരുന്നു. അതോടെ കുപ്പിയിലൊളിക്കുന്ന സുഷ ഹിറ്റാവുകയായിരുന്നു. കുപ്പിയില് മാത്രമല്ല വാഷിംഗ് മെഷീനില് ഒളിക്കുന്നതിലും സുഷ വിദഗ്ധയാണ്.
ഫേസ്ബുക്ക് ഉപയോഗിച്ച കന്യാസ്ത്രീയെ മഠത്തില്നിന്നു പുറത്താക്കി
സൗഹൃദങ്ങള് സൃഷ്ടിക്കാനുള്ള ലളിതവും സൗകര്യപ്രദവുമായി വഴിയാണ് ഇന്റര്നെറ്റ്. എന്നാല്, ഇന്റര്നെറ്റിലെ ഏറ്റവും പ്രസിദ്ധമായ സൗഹൃദക്കൂട്ടായ്മയായ ഫേസ്ബുക്കില് സമയം അധികം ചെലവഴിച്ചെന്ന കുറ്റത്തിനു സ്പെയിനില് ഒരു കന്യാസ്ത്രീയെ സഭയില്നിന്നു പുറത്താക്കിയിരിക്കുകയാണ്. മരിയ ജീസസ് ഗലാന് എന്ന കന്യാസ്ത്രീയെയാണ് സഭ മഠത്തില്നിന്നു പുറത്താക്കിയത്. 35 വര്ഷമായി കന്യാസ്ത്രീയായിരുന്നു സിസ്റ്റര് മരിയ. ഫേസ്ബുക്കിലും ഇന്റര്നെറ്റിലും സജീവമായിരുന്ന ഇവര് സിസ്റ്റര് ഇന്റര്നെറ്റെന്നാണ് അറിയപ്പെട്ടിരുന്നത്. ഫേസ്ബുക്കില് അറുനൂറിലേറെ സുഹൃത്തുക്കളാണ് ഈ കന്യാസ്ത്രീക്കുണ്ടായിരുന്നത്.
ഫേസ്ബുക്കിലൂടെയാണ് തന്നെ സഭയില്നിന്നു പുറത്താക്കിയ വിവരം സിസ്റ്റര് മരിയ ലോകത്തെ അറിയിച്ചത്. ഈ വാര്ത്തയറിഞ്ഞതോടെ സിസ്റ്റര്ക്കെതിരായ നടപടി പിന്വലിക്കണമെന്നാവശ്യപ്പെട്ട് ആയിരക്കണക്കിന് ആളുകളാണ് ഫേസ്ബുക്കിലൂടെ രംഗത്തെത്തിയിരിക്കുന്നത്. മഠത്തില്നിന്നു പുറത്താക്കിയതോടെ ഇപ്പോള് അമ്മയോടൊപ്പം താമസിക്കുകയാണ് 56 വയസുള്ള സിസ്റ്റര് മരിയ. 21-ാം വയസിലാണ് ഇവര് കന്യാസ്ത്രീയാകുന്നത്. ഫേസ്ബുക്കില് സജീവമാകുന്നതിനോടൊപ്പം ലണ്ടന്, ന്യൂയോര്ക്ക് തുടങ്ങിയ സ്ഥലങ്ങള് സന്ദര്ശിക്കാനുമാണ് മഠത്തില്നിന്നു പുറത്താക്കിയതോടെ മരിയയുടെ പദ്ധതി.
ഇംഗ്ലണ്ടിലെ ഹാംഷെയറില് മാത്രം കിട്ടുന്നൊരു കോഴിമുട്ടയുണ്ട്. ആളുകള് ക്യൂ നിന്നാണ് ഈ കോഴിമുട്ട സ്വന്തമാക്കുന്നത്. സാധാരണ കോഴിമുട്ടയില്നിന്നു വലുപ്പത്തിലും ഭാരത്തിലും മുമ്പനാണ് അസാധാരണമായ ഈ കോഴിമുട്ട. 160 ഗ്രാം ഭാരമുള്ള ഈ മുട്ടയ്ക്ക് ഒമ്പതു സെന്റീമീറ്ററോളം നീളമുണ്ട്. സാധാരണ ഒരു കോഴിവളര്ത്തുകാരന്മാത്രമായ ജെറി പാഗെറ്റാണ് ഈ കോഴിയുടെ ഉടമ. മറ്റു കോഴികളില്നിന്നു യാതൊരു വ്യത്യാസവും ഈ കോഴിക്കില്ലെന്നാണ് പാഗെറ്റ് പറയുന്നത്. ഹാട്ടി എന്നാണ് പാഗെറ്റ് ഈ കോഴിയെ വിളിക്കുന്നത്.
ഏതാനും നാള് മുമ്പ് 11 സെന്റീമീറ്റര് വലിപ്പമുള്ള മുട്ടയിട്ടിട്ടുണ്ട് ഹാട്ടിയെന്നാണ് പാഗെറ്റ് സാക്ഷ്യപ്പെടുത്തുന്നത്. ആറുസെന്റീമീറ്ററാണ് സാധാരണമുട്ടയുടെ ശരാശരി നീളം. ഈ നീളത്തിലുള്ള ചെറിയ മുട്ടയിടാന് എന്തായാലും ഹാട്ടി തയാറല്ല.
ഇതിനായി സബ്സ്ക്രൈബ് ചെയ്ത:
പോസ്റ്റുകള് (Atom)
വാര്ത്ത
അനുയായികള്
Feedjit
കൗതുക വാര്ത്തകള്
web visitors live
all visitors
|
പേജുകള് |