ലോകം മുഴുവന്‍ സ്‌മാര്‍ട്ട്‌ ഫോണുകളുടെ പിന്നാലെ പായുമ്പോഴും
ജപ്പാനിലെ ഒരു വിഭാഗം ആളുകള്‍ ഇപ്പോഴും ഒരു പഴഞ്ചന്‍ മൊബൈല്‍ മോഡലിനു
പിന്നാലെയാണ്‌. വിവാഹേതര ബന്ധമുളളവര്‍ക്ക്‌ അത്‌ ജീവിത പങ്കാളിയില്‍
നിന്ന്‌ മറച്ചുവച്ച്‌ കൂളായി ജീവിക്കാന്‍ ഈ ഫോണ്‍ സഹായിക്കും!
'ഇന്‍ഫിഡലിറ്റി ഫോണ്‍' എന്ന്‌ അറിയപ്പെടുന്ന ഈ മോഡല്‍ യഥാര്‍ഥത്തില്‍ ഒരു
വഞ്ചകന്‍ തന്നെയാണ്‌. ഫുജിത്സു എഫ്‌ സീരീസ്‌ ഫ്‌ളിപ്പ്‌ ഫോണുകളാണ്‌ പങ്കാളികളെ വഞ്ചിക്കാന്‍ സഹായിക്കുന്നത്‌. ഇതുവരെ ഒരു പുതുതലമുറ ഫോണുകളും പ്രയോഗിക്കാത്ത രഹസ്യ സജ്‌ജീകരണങ്ങളാണ്‌ ഇതിലുളളത്‌. സ്വകാര്യ നമ്പരുകളില്‍ നിന്ന്‌ വരുന്ന സന്ദേശങ്ങളും കോളുകളും എഫ്‌ സീരീസ്‌ പ്രൈവസി സെറ്റിംഗ്‌ അതീവരഹസ്യമാക്കിവയ്‌ക്കും. അതായത,്‌ ഈ നമ്പറുകളില്‍ നിന്ന്‌ കോള്‍ വരുമ്പോള്‍ ഫോണില്‍ പ്രകടമായ ഒരു വ്യത്യാസവുമുണ്ടാവില്ല.
പിന്നീടെങ്ങനെയാണ്‌ ഫോണിന്റെ ഉടമ രഹസ്യ കോളോ സന്ദേശമോ സ്വീകരിക്കുക എന്നാവും നിങ്ങള്‍ ചിന്തിക്കുക. ഇത്തരം കോളുകള്‍ വരുമ്പോള്‍ ബാറ്ററി ചിഹ്നത്തിന്‍െയോ ആന്റിനയുടേയോ നിറം അല്‍പ്പം മാറും. ഇത്‌ ഫോണ്‍ ഉടമയ്‌ക്ക് അല്ലാതെ മറ്റാര്‍ക്കും അത്രപെട്ടെന്ന്‌ കണ്ടുപിടിക്കാനാവില്ല. ഇനി കണ്ടുപിടിച്ചാല്‍ തന്നെ രഹസ്യ കോഡ്‌ നല്‍കാതെ കോള്‍ അല്ലെങ്കില്‍ സന്ദേശം കണ്ടെത്താനുമാവില്ല.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ