ഒക്‌ടോബര്‍ 14 ഖജേന്ദ്ര താപ്പാ മഗര്‍ കാത്തിരുന്ന ദിവസമാണ്‌. ലോകത്തിലെ ഏറ്റവും കുഞ്ഞന്‍ താനണെന്ന്‌ ഗിന്നസ്‌ ബുക്ക്‌ അധികൃതര്‍ അംഗീകരിക്കുന്ന ദിവസം. വ്യാഴാഴ്‌ച 18 വയസ്സ്‌ തികഞ്ഞ ഖജേന്ദ്ര തന്നെയാണ്‌ ലോകത്തിലെ ഏറ്റവും ചെറിയ മനുഷ്യനെന്ന്‌ ഗിന്നസ്‌ ബുക്ക്‌ അധികൃതര്‍ അംഗീകരിച്ചു. രണ്ടടി 1.8 ഇഞ്ചാണ്‌ നേപ്പാളി സ്വദേശിയായ ഖജേന്ദ്രയുടെ ഉയരം. അഞ്ചരക്കിലോയാണ്‌ തൂക്കം. കൊളംബിയയില്‍ നിന്നുള്ള 24 കാരനായ എഡ്‌വേര്‍ഡ്‌ നിനോ ഹെര്‍ണാണ്ടസിന്റെ റെക്കോര്‍ഡാണ്‌ ഖജേന്ദ്ര തകര്‍ത്തത്‌. മധ്യ നേപ്പാളിലെ ഹിമാലത്തിനു സമീപം പൊഖാറയിലാണ്‌ കുഞ്ഞു ഖജേന്ദ്രയുടെ താമസം.
നേപ്പാളിലെ ഒരു പഴക്കച്ചവടക്കാരന്റെ മകനാണ്‌ ഖജേന്ദ്ര. രണ്ടടിയെ ഉയരമുള്ളങ്കിലും ആഗ്രഹങ്ങള്‍ക്ക്‌ ഹിമാലയത്തോളം ഉയരമുണ്ട്‌. ഏതൊരു പുരുഷനെയും പോലെ കല്യാണം കഴിക്കണമെന്നും കുടുംബവുമായി കഴിയണമെന്നും ഖജേന്ദ്രയ്‌ക്കും മോഹമുണ്ട്‌. കൂടാതെ ഭാര്യയുടെ ഹാന്‍ഡ്‌ ബാഗില്‍ കയറി ലോകം കറങ്ങണമെന്നും ഖജേന്ദ്രയ്‌ക്കു ആഗ്രഹമുണ്ട്‌.
നേപ്പാള്‍ ടൂറിസത്തിന്റെ ബ്രാന്‍ഡ്‌ അംബാസിഡര്‍ പദവി അലങ്കരിക്കുന്ന ഖജേന്ദ്ര ടൂറിസം പ്രചാരത്തിനായി അടുത്തിടെ ന്യുയോര്‍ക്കിലും ലണ്ടനിലും പര്യടനം നടത്തിയിരുന്നു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ