2011, മേയ് 1, ഞായറാഴ്‌ച

നൂഡില്‍സുണ്ടാക്കുന്ന റോബോട്ട്‌

ചൈനയിലെ ഷെങ്‌യാങിലെ ഒരു നൂഡില്‍സ്‌ കടയിലെ പ്രധാന ആകര്‍ഷണം അവിടെത്തെ പാചകക്കാരനാണ്‌. സാധാരണ നൂഡില്‍ ഉണ്ടാക്കുന്നവരേക്കാള്‍ മൂന്നു മടങ്ങ്‌ മിടുക്കോടെ ഈ വിരുതന്‍ നൂഡില്‍സ്‌ ഉണ്ടാക്കും. അതും മറ്റാരേക്കാള്‍ മികവോടെയും. ഒരു ഹോട്ടലിലെ ഭക്ഷണം നന്നായാല്‍ ആളുകള്‍ ആകര്‍ഷികപ്പെടുക സ്വാഭാവികമാണ്‌. ഈ നൂഡില്‍ കടയിലേക്കും ആളുകള്‍ പ്രവഹിക്കുകയാണ്‌. ഈ മിടുക്കനായ പാചകക്കാരനെ കാണാനും അയാളുണ്ടാക്കുന്ന നൂഡില്‍സ്‌ കഴിക്കാനുമാണ്‌ ആളുകള്‍ വന്‍തോതില്‍ എത്തുന്നത്‌. ഒരു റോബോട്ടാണ്‌ ഈ പാചകക്കാരന്‍. അരിപ്പൊടിയില്‍ ഈ റോബോട്ട്‌ ഉണ്ടാക്കുന്ന നൂഡില്‍സ്‌ ഉഗ്രനാണെന്നാണ്‌ ഇതു കഴിച്ചവര്‍ സാക്ഷ്യപ്പെടുത്തുന്നത്‌. നൂഡില്‍സ്‌ ഉണ്ടാക്കുന്ന ഒരു മുഷ്യനേക്കാളും മൂന്നു മടങ്ങ്‌ ലാഭകരമാണ്‌ റോബോട്ടെന്നാണ്‌ കടയുടമ പറയുന്നത്‌. പ്രത്യേകം പറഞ്ഞാണ്‌ ഇയാള്‍ റോബോട്ടിനെ ഉണ്ടാക്കിപ്പിച്ചത്‌. 3.5 ലക്ഷത്തിലേറെ രൂപയാണ്‌ ഇതിന്റെ നിര്‍മാണ ചെലവ്‌. റോബോട്ടിനു പത്തു മണിക്കൂര്‍ പ്രവര്‍ത്തിക്കാന്‍ ഒരു കിലോവാട്ട്‌ വൈദ്യുതിമതിയെന്നാണ്‌ കടയുടമ പറയുന്നത്‌.

അഭിപ്രായങ്ങളൊന്നുമില്ല:

വാര്‍ത്ത